《踽行草箋。》

忘憂草，我很喜歡的一首歌

2008-05-16T23:56:00.000+08:00

當感情萌芽

2008-05-10T00:14:00.006+08:00

當感情萌芽，當最近感覺到內心泛起一點漣漪了。

腦中，我就想到逃避。

然後，怎樣?

或許一逃再逃，會比一追再追更好的吧。

或許，有點累吧?

自在

2008-04-27T19:54:00.002+08:00

一連兩天，設靈、火化。

剛從歌連臣山火化場回來，頭很重，心很重，眼很痛，唸經唸得發滾的咀巴說不出感受，不知說什麼，千言萬語都在心內。兒時回憶會永遠藏在我和她的心內，緣是不斷。

昨晚殯儀館的一個「師傅」拿著通勝查婆婆年紀寫在一張紙上, 查明婆婆年紀是1900年出生, 肖鼠, 109歲, 合天地人為112歲。魂高1丈1尺。歸佛道。

那位師傅問我婆婆生前和我地關係是否好親密好錫我地, 佢話佢109歲查明是歸佛道, 是我為婆婆做的事，令她真的得投淨土嗎? 那師傅說她魂頭卻很矮, 越矮則越快回魂，代表佢好想盡快回來看我們才會這樣。

婆婆，今生受夠了，開始新階段吧! 不要擔心瑀仔，我不會丟下妳，就如以前妳牽著我手送我上學。

我地一定會再見。

I'm Back

2008-04-22T19:55:00.000+08:00

我巳回來。

百般滋味在心頭

2008-04-14T22:34:00.001+08:00

一個月內失去至愛的婆婆、付上真心的女朋友
我值得受這些苦嗎
老病死、愛別離

百感交集。今天終於哭得出來了。

二ＯＯ八年祝人人健康，來去自在。

2008-02-07T14:56:00.000+08:00

婆婆由光緒年間到今日初一, 足足108歲
由清末走到民國, 中日戰爭，國共內戰，中華人民共和國到港英然後九七至2008年。

走過幾多危難
早幾年自跌碎股骨後, 身體一直衰落, 幾經輾轉困難, 又撐過去。

上兩星期, 在老人院給人員弄斷了小腿骨，再度入院, 翌日醫院想趕婆婆走, 說沒能康復, 不是阻床位。

我請假到那打素醫院找主診醫生、病人關係聯絡主任、醫務社工及老人院院長理論, 把留院時間拖延至一星期。

上星期最後也回老人院了，幾日以來, 情況日差, 婆婆漸漸不肯進食、不肯飲水、不肯吃藥，沒大小便，神志半昏迷。

昨晚年三十晚是我生日，和家人商討後決定再送院, 急症醫生說很虛弱，脫水，送至內科病房。

年初一了，鼠年，婆婆是是肖鼠，一會兒家人會打電話給婆婆親戚要見一面就快來了，婆婆拜觀音，我信佛，宗教方面我巳經為她準備好了。

6月到依家冇好過

2008-01-21T21:35:00.000+08:00

減人工轉行. 想做既職位又俾人呃左做另一個低等職位,
人工少, 屋企又好似好驚我儲到錢咁, 咩都問我羅錢.
好辛苦

找到自己 - Everyone is No.1

2008-01-09T19:24:00.000+08:00

兩個同學，大學畢業一起闖天下。甲很快做成了一單大生意，升為部門經理；乙業績很差，還是一個業務員，並且成為甲的手下。乙心理不平衡，就著急地去廟裏找和尚，求和尚相助。和尚說：你過三年再看。三年後，他找到和尚，很沮喪地說：甲現在是總經理了。和尚說；再過三年你再看。三年又過，他又去見和尚，氣急敗壞地說：甲已經自己當老闆了。和尚說：我也從普通和尚成為方丈了。我們都是自己，你是誰？我們都為自己活著，監管著自己的責任。你在幹什麼？你痛苦地為甲活著，監管者著他。你丟的不是職位、金錢和面子，你丟到了自己。
一年後，乙又來了，幸災樂禍的說：和尚你不對，甲公司破產，坐牢了。

和尚無語，心裏悲憫：坐牢了，破產了，甲還是自己。你這個可憐的人啊，還不是你自己呀。
十年後，甲在監獄裏服刑，思索人生寫了一本書，很轟動，成了暢銷書。甲減刑，提前出獄，到處見記者，簽名售書，成了很紅的名人，無限風光。甲還在電視上和與和尚一起，作為名人談佛論道、感化眾生。

乙在出租屋裏看電視，手裏翻著甲的書，內心極度痛苦。
他給和尚發短信：我相信命運了，甲坐牢都能坐出好風光來。
和尚回短信給他：阿彌陀佛，你還沒找到自己。
乙這個人就這樣一輩子把自己給弄丟了。

很久

2008-01-03T19:32:00.001+08:00

好耐冇寫野啦
好多野都唔知點寫出黎。
由細到大對前路既計劃, 彷彿俾自己消磨淨盡，巳經唔敢輕言咩野。
或者...?

對 Bill Gates 對話

2007-08-28T12:22:00.001+08:00

尋晚夢見bill gates，夢入面我同幾個朋友去左離島迷路，然後見到一間別墅，我走埋去敲門，一開門....咦..?! 個女東主幾靚女，仲著住短熱褲，有個女大約幼稚園~ 又幾cute喎，我未開口，佢就問係咪想借宿同食飯，話唔得喎，孤男寡女，我話唔止我一個，有幾個朋友有女仔，佢地好肚餓。最後傾左幾句佢先收留我同我幾個朋友。

點知，原來bill gates係屋主，oh my buddha，堅唔堅左d，佢好欣賞我識照顧幾位女仔朋友，就係咁係果度住左一晚。

畫面一轉，bill gates 揸車送緊我回大埔(唔好問我我幾個朋友去左邊，又唔好問我點解由離島可以揸車去大埔...)

我見就黎道別，我鼓起最大既勇氣，發聲問: 「Bill, can I ask a stupid question maybe a lot of guys asked you before?」

阿bill 呆一呆: 「Of course!」

「How to be a rich guy? i mean....not a billionaire but at least not the poor one?」我口窒窒咁，有d怕俾人覺得我好貪心。

「yea...actually all ppl wanna be rich right? but they just really don't know ...」

然後佢就係袋度羅左部pda出黎, show俾我睇, 佢部野有個新既IE SYSTEM, 可以用拚音輸入中文, 台語咁果D.....「Bill@ you know CHINESE?!」

佢話: 「係呀, 我仲識國語同廣東話架~」(我想講, 佢口音有d似德成女傭)

「What?!@ how can you do that? i mean, how is the time management you know learning is time consuming, we don't have enough time!!!!!! family, work, friends, health...」

呢個時侯，阿bill 雙眼望實我、眼睛就快跌落黎咁，我望住佢對眼，好似俾佢攝住咁，佢話: 「yes, but YOU NEED TO BE BRILLIANT! 」

...............................

.........................................

.......................................................屋企電話唔合時咁響起，我就咁俾人嘈醒左。

2007-08-20T15:50:00.000+08:00

喜力既Splash party- 大嶼山yoyo island

2007-07-17T22:45:00.000+08:00

我做coporate pr, 公司有幾個同事都好照顧我。

尋日，我辭職. 我想做一份人人都做得既bank sale. 做得好，2萬以上一個月, 做得唔好，幾個月炒.

要做bank sale, 要辭呢份pr 好工. 份工. 我用左好多心機去得到，亦靠貴人推薦，如果今日辭左，好難再番回頭.

今朝, finance pr team既阿頭,一個對我好好既上司。亦都係asia pacific senior vice-president & partner, 佢叫我入房。對話如下:

"阿仔，您...您交左信? "

"係。"

"您係咪做得唔開心?"

"唔係, 您同xx 對我好好，公司亦好大好有規模..."

"咁您點解要走, 想轉咩工?"

"銀行sale"

"下? 我做左finance pr 廿幾年，銀行sale好technical，好辛苦架!"

"我知. 有哂心理準備，如果唔到quota仲會炒添. 晚晚收好遲,好大壓力"

"您知就好...好唔stable.好大兢爭, 拿, 您一路做野我都見您做得好好, very good! 我地都好admire。我知您鐘意investment related野, 不如咁，我想您加入我果team ,您都知我果d全部係finance 客, UBS, FIDELITY...."

如果今日我唔去試bank sale. 又幾時先好呢....老左先試做sale? bank sale 辛苦但多勞多得. pr一樣辛苦, 但收入相對就定左ga la.日日ot 都係果份糧。

如果留低, 我都唔知我有冇能力收番個心係pr 度...要我一路收人工,個心唔係度,就唔會做得好同埋好唔 ethnical

唉! 我今時今日連一個decision都make唔到, 點解. 個cost好大? 係! 一間好公司既offer! 但青春係唔係無敵? 係咪趁早試好過等?

做銀行sale. 做得好就可以好好前途同好pay. 唔好就..fired, 但到時現有好工難再, 所有野重新黎過。

我唔識做人。

一定做得到。

2007-06-16T12:21:00.001+08:00

東區走廊大塞車，係巴士上悶燥咁等，一到金鐘飛cab上公司。

miss左我隊team既weekly meeting，剛剛趕及all staff weekly meeting，今日講及background, 忘了我讀那間U，我說: City university。可見當初請我真係唔係靠我的學歷，大概是看我的熱情、經驗、和推薦人。(後來發現公司臥虎藏龍，Oxford, Yale, 威斯康辛州大學...)

以我的理念，大不了死人,俾人炒都唔駛死，做人做野冇咩好驚。但公司好，做不了cost 相對大，而且也出於對別人的承諾，我想努力做好點。

回家食完，陪家人談談就上床，一整星期訓唔著，天一光就起身番工，生活突然簡單起來，咩都無，食, 上床, 番工。每天7點起床，每晚11點半前上床, 加失眠，好累好累好累，經過雲咸街蘭桂坊也不想去玩。

和supervisor去和client 食飯打招呼，晚上去酒店出席travel industry 既award ceremony + cocktail...我發現我的英文和普通話實在不敷應用，到底怎樣可以快，準地提升英文(特別是聽不同口音、講)及普通話能力呢? 有沒有朋友教教我? 我一向有看tv/movie 學聽講能力的，但我需要大大的提升呢!

我有壓力!未解決! 我一定做得到。

毋忘六四，小平你好！

2007-06-04T14:53:00.000+08:00

疏導

2007-06-04T12:43:00.000+08:00

呢排都勁做運動同煲;書,仲有同d朋友食番飯, 欠好多犯罪債。希望練番好d 拳同體能咁. 巳經幾個月好遲訓,體能差左好多。
我諗我想得多左, 都好, 疏導得番自己啦, 上司對我有大期望即係覺得我一直有好表現, 信我做到。我點解反而會緊張起黎呢? 明明係我一早準備好, 想見到既結果。同埋都係果句，X! 萬一做唔好, 都唔駛死~ 又~ 如~ 何~?

[Stay Hungry, Stay Foolish]

當年今日: 八九年六月四日

2007-06-04T01:17:00.000+08:00

當年今日: 八九年六月四日。

http://www.boxun.com/hero/64/52_1.shtml

這些是豬嗎?

今日我有壓力添

2007-06-01T19:59:00.000+08:00

未解決

坐看星空

2007-06-01T00:25:00.000+08:00

聽日去中環簽約。

份工幾好，我一向準備好自己，靠自己靠朋友也靠運氣，我未有搵工，巳經有兩份工搵我，二取一，好。

我其實係咪真係一個agressive既人呢? 我都唔係好知，我諗，我係一個鐘意簡單既人。我諗, 只係「簡單」呢樣野，有時都係種奢侈，反而要幾大既付出同代價。我唔係agressive，但我要付出，好想得到「簡單」。

呢幾晚望住個天，「好靚....」，我見到天蠍座既心臟。我鐘意看星空，佢令我覺得我咩都唔係，係無量既宇宙，我連稱得上係「咩」既資格，都冇。幾年前全家人，去銀礦灣住左一晚，當晚，我訓係沙灘上看通宵星星，大熊、小熊、飛鵝、天蠍、獵戶，仲有無數既流星，成天無際既大小星星，每一個都可能係另一個星河，入面有好多個星系，又有好多個星球......再看日出，我好鐘意睇星星。幾時，我會番到去睇星星呢? 我身邊會否有人在旁。

我又寫埋哂d廢話，唉，廢人講廢話。

無知是罪

2007-05-25T22:03:00.000+08:00

善心，應該長存

能力，應該任何時侯增強

智慧，是必須的，請多看歷史, 古哲思想。

唐心風暴，一套onx 既劇集，由只睇得得地到依家追看，越看越氣。

作為一個男人，雖然是個好爸爸，只是，夏雨，未免太"廢柴"了。

無知是一種大罪, 不單止累己，更累人。

寂靜相的菩薩慈悲，低首看眾生。

遇有教化不了的魔道，菩薩必現忿怒相，以霹靂手段了結。為之佛都有火。

慈悲不可以成為懦弱的藉口。

這才是智慧。

圖為佛教中「大威德金剛」之「降伏」忿怒相。

灑脫

2007-04-22T22:51:00.001+08:00

今天在youtube找到這首歌的節錄。

周星馳電影，始終最喜歡是這套，結尾更加是難以忘記。

在內地企業的形象

2007-04-22T21:42:00.000+08:00

首次看以下video，大約係一年多前了，呢間企業，名字有趣，出埋動畫MV，其實都唔可以話冇創意。

企業形象，熟好熟壞......諸君定奪。我post佢出黎前，都好擔心影響我個blog既形象......不過，呢首MV既名字，完全吻合我呢排既心情。

賣旗

2007-04-21T12:10:00.000+08:00

今天是星期六，昨晚看書直到凌晨三點才睡，我訓到十點才起身，落樓下食早餐，有幾個身穿制服的小朋友、和大朋友跑過來請我幫佢地買旗。

我記得大約是中六既時侯，我作為學生會主席，都曾經自以為應該「以身作則」地參與賣旗活動，地區是灣仔。我好清楚記得，當時我既地盤係灣仔政府大樓天橋下面賣車果間野果條路口，果一朝早，wing wing下未訓醒既我，就係果條路一個巴士站附近。唔知大家覺得灣仔既打工仔如何? 我之前實習工作既公司係灣仔，我唔係幫自己講好話，我發覺，灣仔既上班人士，都好有愛心。一見到我，我只要對佢微笑，佢地好多會望一望我個袋，就自己一路um 荷包同行埋黎買旗。

咁當然，有d朋友冇咁主動，我就會行埋去，微笑住話，早晨先生/小姐，我係幫xxx機構賣旗架, 您可唔可以幫我買一張旗呀? 如果佢唔買我會話, 唔緊要，唔該哂您la!

我自問咁樣，我請人賣，同埋俾人請求買既，大家都幾自在。

依家都咁多年，我一路既觀察，依家d 小朋友其實好似...唔係好識禮貌。唔好話我主觀，堅既~ 首先，我坐火車既時侯由k字頭接駁巴士落車，要經過一條好窄既樓梯，我巳經唔止一次俾幾個，無錯係幾個賣旗既小朋友或大朋友，以road block形式企係度「請」我買旗。同樣情況亦出現於某些天橋，當大家「狹路相逢」既時侯，我覺得咁樣，我原本想買，都會覺得您咁樣攔路好rude，遇著我趕時間番工番學，我真係好唔鐘意咁囉。

講番今日，穿制服既一位大朋友，行埋黎問:「幫我買支旗吖?」有d 似我欠左佢咁既語氣，我微笑搖搖頭，佢就立即送上好「詫異」加面色一沉既表情上黎，個頭擰都擰唔切，「哦」一聲都冇走開，唉，可能我太執著? 但我真係覺得難以理解。

其實今日賣旗係咩機構呢?

另一方面，我真係強烈咁不滿果d 隊長者，又或者弱智人士出黎義賣、賣旗既機構，雖然咁樣可能可以比較好地persuade人去買，但我極度反感，點解要佢地咁辛苦出黎，將佢地既弱點，係大眾面前暴露，以佢地既慘況變成賣點?

我咁諗係咪我太偏激?

Dust in the Wind

2007-04-13T22:50:00.000+08:00

悠長假期，願主祝福各位清明節快樂！

上星期，阿焚係學校既工作，總算大部分完成，黎緊既一個月，都可以鬆一口氣。

身體算爭氣，係星期三完成埋crisis management既press conference，才開始病，病了兩天，吃了兩劑中藥，睡足了過去幾星期欠落的睡眠債，今天，總算好過來。

今次又沒有發燒，已經好幾年沒有發過燒，總想發它一發，享受著那種暈暈盪盪的快感，而且聽說發燒令人增高。千萬不要告訴別人!

阿焚我呢排好多游思妄想，可能是顛簸既讀書生涯終於快要過去吧? 一早迫自己出來做公關公司實習，比人多工作經驗，以為有著一早準備好的心，這刻，卻又多麼的波動。彷彿，狂風中的一隻小鳥。前途要如何計劃? 未來可以做生意嗎?

近日好友給了我Eason Chan《夕陽無限好》的MV，歌詞早巳熟透，然而，MV內的場景、句子，卻是那樣的令人...婉惜。

我最喜歡的英語電影是《阿甘正傳》，在最後一幕中，阿甘終於再一次哭了，他說:「人到底是可以控制自己生命，還是，人就像在空氣中的羽毛，再努力，也只得隨風飄盪 ?」

寫到這里，我想起以下一首歌，一聽再聽，真好。
Dust in the Wind by Kansas
I close my eyes Only for a moment, then the moment's gone
All my dreams Pass before my eyes, a curiosity
Dust in the wind
All they are is dust in the wind
Same old song Just a drop of water in an endless sea
All we do Crumbles to the ground, though we refuse to see
Dust in the wind All we are is dust in the wind, ohh
Now, don't hang on Nothing lasts forever but the earth and sky
It slips away And all your money won't another minute buy
Dust in the wind All we are is dust in the wind
All we are is dust in the wind
Dust in the wind Everything is dust in the wind
Everything is dust in the wind

潦潦數筆隨想

2007-04-13T22:49:00.001+08:00

o係香港，我地一出旺角，好容易覺得香港係一個好富庶既地方，上至五十幾歲，下至十幾廿歲，靚仔到靚過吳彥祖，平凡到樣似魯芬既，身上都有好多名牌，特別係歐洲名牌。到底係歐洲野香d，定真係咁有消費力呢?

由我讀書、到做野所見所聞，特別係工作上，見到好多人、好多鬼，其實，都係得個殼。佢地或者會以為自己好有lifestyle，好有型，食野好有taste，聽既睇既都好pop 好有型格，識飲識食識得嘆，將心思放哂係建立呢一個自我形象。

但係佢地好多，其實收入並唔多，一出糧就急不及待進貢俾人地，其實，注重外表係本身，亦係尊重自己同別人既表現，但如果太過執著係呢d野度，會唔會有d 偏離人生既重心呢? 但真係好多人就將重心放錯。

近來睇到新聞講到龔如心小姐，一直以黎，覺得呢d人，係一個社會，係好值得佩服既。佢出街就以小甜甜look示人，或者，您地會覺得佢好低能，但係吹咩? 佢自得其樂，要扮型，人人都識，例如好似上面咁講，d 旺角仔羅哂成份糧黎買果d咩hip hop品牌然後去disco 扮型介女。但自己想點就點，就唔係人人都敢。唔係話我扮野，我當然冇勇氣好似佢地咁，但我真係幾服八兩金、魯芬、余慕蓮等人，早前仲有新聞爆料，余慕蓮將無線俾佢既長期服務金捐哂出黎係內地山區起學校俾小朋友讀書。

講番小甜甜，您笑佢傻，佢心入面笑您仲傻，花哂d錢買呢買路~ 身光頸靚，其實係空心老官，佢一個月駛果少少，但身家原來成千億，羅哂大部分黎成立charity fund，唔到死果日您地都唔知。

您地話佢標佢老公心，呢個冇證冇據，但近日新聞所揭露既資料，佢，似乎對佢老公一條心，身家過千億，老來孤獨一個，心繫愛人，真係好浪漫。

或者，佢一早知道佢老公巳經唔再係呢個世界，
或者，佢都覺得做人好累要病就隨緣由佢，
或者，佢都冇咩好依戀，
佢終於去左搵番佢老公一起。

愚人節，造物弄人

2007-04-13T22:42:00.001+08:00

四年前那一晚，還以為聽錯，還以為是同名同姓，想不到，是他。

歌名:有心人
作曲:張國榮填詞:林夕

寂寞也揮發著餘香　原來情動正是這樣
曾忘掉這種遐想　這麼超乎我想像
但願我可以沒成長　完全憑直覺覓對象
模糊地迷戀你一場　就當風雨下潮漲
如果真的太好　如錯看了都好　
不想證實有沒有過傾慕
是無力　但有心　像謎　像戲　
誰又會　似我演的更好從眉梢中感覺到　
從眼角看不到　彷彿已是最直接的裸露
是無力　但有心　暗來　明往　誰說　這算是　情愫
但願我可以沒成長　完全憑直覺覓對象
模糊地迷戀你一場　就當風雨下潮漲
如果真的太好　如錯看了都好　不想證實有沒有過傾慕
是無力　但有心　像謎　像戲　
誰又會　似我演的更好
從眉梢中感覺到　從眼角看不到　彷彿已是最直接的裸露
是無力　但有心　暗來　明往　
誰說　這算是　情愫
從眉梢中感覺到　從眼角看不到　
彷彿已是最直接的裸露
是無力　或有心　像謎　像戲　誰說　這算是　情愫

在此，點兩首我至愛的歌曲，獻給遙遙當年的張國榮、當年的我、當年的情。

沒有永不逝去的人和物，只有事件，在那一刻發生過永不磨滅，永遠存在。

即便是神，也不能改變。

光復 Blogger ！

2007-04-13T20:59:00.000+08:00

今日突然想把這個blogger重開，換了版面，很好很好。

《大話西遊》與愛情...(2)

2006-08-18T22:33:00.000+08:00

不用多說，這段對白令不少觀眾動心，但是，它為何能打進人心？　就只是他的內容嗎？如果大家細心回想，可以發現這段對白在電影內曾經出現過兩次，分別在兩個不同的場景。第一次，至尊寶（孫悟空）為了得到牛魔王手上的月光寶盒，希望騙得紫霞下嫁牛魔王以助他取得月光寶盒。當時，他以這段說話，成功騙得真心愛他的紫霞落淚，幫助他偷盒。這時的他只是當對方是棋子，沒有想對方感受，遑論珍惜。第二次是至尊寶（孫悟空）醒覺真愛的人是紫霞，但一切不可再追，皆成過去往事，無從補救，他是在重新接受取經任命，戴上金剛圈時痛心地說出這段對白。

一段說話，原本第一次可以出自真心，卻沒有珍視。直至巳經太遲的時侯，相同一段說話，帶出的只有無限的絲絲婉惜。導演這樣用心的安排，正是巧妙的利用了情景去配合對白，突顯前後時空的物轉人非，因此觀眾才會對至尊寶（孫悟空）的無奈、痛心，身同感受，亦令這段對白震撼心靈。

我們再把注意力放在月光寶盒上，至尊寶（孫悟空）在電影中曾經三次以月光寶盒嘗試回到過去，以圖阻止白晶晶被殺（其實是自殺）。可是，導演卻安排至尊寶（孫悟空）首二趟回到過去皆沒能成功趕及拯救白晶晶。為什麼要讓他回到過去三次之多？難道只是希望觀眾看到至尊寶（孫悟空）的狼狽不堪與女性化的二當家大呼「娘子、娘子」而哄堂大笑嗎？　不，我認為導演是想表達一種愛情觀。我們從二當家一句：「幹，又升天了，你不悶嗎？」可看出端倪。

至尊寶（孫悟空）三次來回，導演就是用電影語言說出愛情的輪迥。它是不斷重覆又重覆的，而二次嘗試皆沒有成功，第三次成功回到過去，他找到白晶晶，找到紫霞，最後卻又是南柯一夢。

月光寶盒上刻著幾個字，「般若波羅密」，根據大乘佛法的菩薩道所言，要成為覺悟的覺者，需行六種「波羅密」（渡到彼岸的渡船／方法）。「般若波羅密」意指出世間的智慧，導演是否想以此說明，愛情路上重重覆覆，困難重重，必須有出世間的智慧才能笑看紅塵？

最後不得不提的，是電影鏡頭運用。在最後一幕中，至尊寶（孫悟空）撮成一對愛侶，但他只能從這對愛侶上回憶前塵往事，最後也只能黯然肩負責任，無奈踏上征途。這個結尾真的拍得很傑出，鏡頭加上音樂不得不記上一功。

由盧冠庭主唱的《一生所愛》，歌詞與情節吻合，曲調婉順惆然。至尊寶（孫悟空）、唐三藏等人在一個廣角長鏡頭內，慢慢步進前路未可知、一片荒蕪的沙漠，在歌聲下，「苦海．．．翻起愛恨．．．在世間．．．難逃命運．．．」讓我們在一個鏡頭之內，看著他們消失在荒漠，沉淪在無限廷伸的遺憾、無奈與黯然之內。

《大話西遊》與愛情

2006-07-24T00:26:00.000+08:00

談到喜劇，一般人總會想到捧腹大笑的場景﹔談到周星馳，想到的難免是他那些反高潮、反邏輯的笑話。

然而，我這次想以一套票房不佳的電影－《大話西遊》，論述較少人在喜劇內注意到的一個元素－愛情。愛情在喜劇之內一樣是刻骨銘心、觸動心弦的。

在一連串的笑聲笑話之中，《大話西遊》所反映的是現實之中不少人身同感受的愛情經歷，值得一一指出，加以回味。

故事發展之初，身為凡人的至尊寶對美麗的白骨精白晶晶一見鐘情，就像一個身份低微的人，愛上社會地位高尚的女孩，身份不同，也就只能暗戀。

其後，至尊寶為了愛情，為了拯救中毒的白晶晶，不惜反抗比他強大的蜘蛛精，又試圖用月光寶盒回到過去，以找到殺白晶晶的兇手。現實生活之中，不少人為了愛情不理自己，甘於為愛侶犯險，做不願做的事，不就是這樣嗎？但是，到底這是否值得呢？這又是否代表真愛呢？

至尊寶明知白晶晶心思念繫於孫悟空，但仍然甘於去愛白晶晶，陪在左右作為一件代替品，這種狀況不是反映現實中愛情的老調子嗎？

故事一直推進，至尊寶終於回到過去，找到白晶晶，準備結婚了，童話式故事到此為止，本應大團完結局，可是，上蒼造人也弄人，追到了，就是所愛嗎？

戲中菩提子在至尊寶籌備婚禮時在其身邊觀察，發現他在睡夢中念茲在茲的並不是白晶晶，卻是紫霞。待至尊寶死後去「問心」，才驚悟到最愛的人是誰。旁觀者清，我們為情為愛，可以上刀山，然而，找到了卻往往疑惑最愛另一人，自己當時是盲目的，到底可以不明自己的心聲。

可悲的是這時他不可能再去愛紫霞了，他要重新戴上金剛圈，負起取經之路。社會不年人，中年時發覺最愛的不是妻子，無奈他們需要對妻子、兒女及父親負責、供養，就如電影中至尊寶（孫悟空）的取經負任。另一方面，人在社會必定要受社會約定規條縛制，中年重拾真愛必受社會道德批評，正如至尊寶（孫悟空）只有甘心負上取路之責，才受正道所容，責任要負，但卻不得有所失卻，就像真愛、理想，孫悟空放開紫霞屍體一幕，就是他要拯救師父，同時受到金剛圈加緊所迫。這正好呼應社會道德及責任迫使人放棄真愛、自我的追求，真的令人動容。

最後，至尊寶（孫悟空）踏上征途前，在城里看到一對戀人，明明心愛卻因面子而不肯表露，他撮成了他們，卻只能遠遠地回望他們，自己則只有無奈的走上征途。

《大話西遊》表現了人對愛情的迷失，情愛為何物？　因為愛慕而尋尋覓覓，得到了才發現最愛是另一人。人，始終錯過了，才懂得慶幸。終於找到一生最愛，卻又負了另一人，身上也有責任，最終不得不作出妥協。

另一方面，從文化角度去投射在《大話西遊》中，它亦顯示了九十年代男女在愛情中的角色易位。從二當家吳孟達與蜘蛛精藍潔瑛的關係中，我們看到二當家受到催情魔咒影響（的確，愛情就是魔咒一樣），愛上藍潔瑛。然而，他是主動積極地去追求視他如無物的蜘蛛精，他的形象巳經放下一般我們眼中男兒的硬朗形象。我們一向認為男兒志在四方，愛情不及事業，追不到便不應執著，男人嘛！而二當家表現的行為卻大相徑庭。我們不難在生活上見到男生比女生拉扯懦弱的情況，可就比比皆是。

電影中的危急關頭，蜘蛛精與牛魔王打鬥至死，她大呼要二當家用心養育兒子，這正是一種角色轉移的投射，女人在外打天下，男人在家養兒育女。近年香港是不是住家男人多了？全職女強人令男人遜色呢？我想不言面喻，這是一個十分有趣的社會狀況。

我們對電影內容及深度的欣賞不應該令我們忽略對電影語言及鏡頭運用的重視。我們知道，電影拍攝手法、鏡頭技巧對觀眾如何有效接收電影訊息，以至共鳴，無不起舉足輕重的影響。

在《大話西遊》中，大家總不會忘記一段經典對白︰「曾經有一段真摯既愛情放在我面前，我沒有去珍惜，等到失去的時侯才後悔莫及，塵世間最痛苦的事莫過於此，如果再有機會的話，我一定對那個女孩說－我愛妳，如果必要給這段情加個期限，我希望是一萬年．．．．．．」

[轉貼]人生資本 - 港燦筆記

2006-06-26T00:08:00.000+08:00

最重要的資本依次排列應是 (a) 誠信 (b) 人脈 (c) 常識 (d) 語文能力 (e) 專業資格 (f) 學位

1. 不少外表平凡者做起老闆來有聲有色。成功站穩住腳的全部都不是甚麼MBA。其中不乏one man band 或小貓三四隻的小公司，只要不用捱貴租和出大舊糧，公司盈利往往第一、兩年已經平手，第二、三年開始賺錢的並不罕見。

2. 有限公司股東人數愈多，公司壽命通常愈短。

3. 絕大部份情況下，當小股東 (例如只出資，不加入公司，手持10-20%)往往沒有好下場。始終會在公司賺錢時大股東覺得你坐享其成，條氣唔順；公司賠本時要你注資你又縮沙。想話事又孤掌難鳴，例如主張買部三萬幾元的影印機又被董事局「大比數」(其實只是二比一)否決。還有容易猜忌大股東如何中飽私囊，最後不歡而散。

4. 愈高學歷和在大公司浸過的愈多理論和要求。算我唔好彩：一次替一個客戶成立間公司，客都未有一個，又要 preference shares，又要搵律師搞 shareholders' agreement(報了價又嫌貴，終於沒有做)，M&A 又要大刀闊斧改到七彩(三、四稿)，仲要以資產代股本(頂! 原來係部二手電腦!)，真係被我算中，第一份Annual Return 未做就已經要申請撤銷註冊(dereg)。你幾時見過人創業都未夠三個月就搵番工?5. 香港地辦中小企不用太high tech, 最重要都仍是關係(好聽D講叫「人脈」)、EQ(巴士少男都算係咁)、少少discipline、少少勇字當頭，和在創業始時適度的成本控制。

回憶的痕跡

2006-06-18T22:48:00.000+08:00

二零零五年六月，一個新起點。
記得那一天早上我一早到了GHC門口，門內黑漆漆的，沒有一個人，緊張的我更加緊張，等了良久，一位和善的auntie 從lift 內走出來，有點傻氣
"我今日第一日黎實習..." "(她口擘擘拖長咁哦一聲~~~) "
"好緊張呀可? "
"係..."
"唔駛怕，坐係度先，我幫您打俾經理阿甘，嘻嘻~我叫Susan ~"

當日就係妳的和善令我緊張的心情平伏下來。

我記得我初初到GHC，感覺很陌生，很可怕，上班幾天感覺就像是一個外人、孤兒仔，是妳，Susan 妳給我第一份工作-Update marketing partner contact，只後都係佢係我側邊教我做野。

每逢lunch 我最鐘意等沒什麼人時和妳講自己工作感受，記得嗎? 初時妳都少講野，是否當我係死o靚仔呢~? 但妳後來也開始將妳係GHC既種種感受同事情與我分享，同妳講野，真的很舒服。

Susan，我會記住妳對我講過既野，人人都有佢既故事，都後生過，妳分享俾我既人生、工作經驗，對我好有影響，機哥我會記住。
自從妳病了以來，多次找機會來醫院見妳，也遇上小毛病，妳我擦身而過，我很慶幸能知道妳找到主耶誕的恩典，見到妳、還有妳的愛人心境平安，我很放心，感激上蒼俾我有機會為妳祈願，我知道，靠妳既家人、朋友加我一點點既心願力量，一定可以令妳得到自在。

人，呢個世間人太多了，即使要在陌路上碰面，也是需要很大的緣才可以。何況是相知相惜，成為同事，成為朋友，成為家人，就像妳與家人、Minnie、Lisa、Kam, Iris 等人...那真是要很大的緣分，才會走在一起，我一定會珍惜這些緣分。有說百世修來同船渡...珍惜眼前人。

就憑我地既緣，我相信，緣會令我地再次聚在一起，我地會再一次成為良師益友。

Susan, 妳不要忘記機哥。

《獨家試愛》

2006-06-01T20:30:00.000+08:00

昨天終於看了《獨家試愛》，繼《12夜》後另一套看後令我內心戚戚的電影。
不得不又再想到，什麼是[情人之間的愛]呢?

父母對子女的[親人的愛]是無私的，但或許多少有點[操控]，把子女當成所擁有。情侶間動人的[情人的愛]，在當時是無私的，同時又或許多少有點[操控]，把情人當成所擁有。
似乎，我們理解的愛或多或少有著些[操控]的成分吧?

什麼愛沒有呢? 也許只有宗教的慈愛。
我在想，這種慈愛會不會才是真正的愛呢?

那麼我們念茲在茲在希冀的[真愛]是不會出現的了?
我愛她,便想擁有她。
如果說我任她自由,她要來要去我也著緊，我還是在愛她嗎?
我們想要這種[神聖的愛]嗎? 我是個煩夫!

有人說，愛只是一種感覺，而感覺從來不是everlasting, 那麼，永恆的愛只是一個神話。

當日電影中的陳奕迅, 所愛的只是[追求得不到]的感覺, 對張柏芝的愛是[我想得到妳]的[感覺]
今日方力申和stephy間的愛是什麼? 如方力申所言:「我們一起經歷了許多，我不想什麼都全失去」
這種是愛嗎? [不甘心] ，是愛嗎?
方與鄧重新在一起了，卻又各懷猜疑，各有隱瞞，相愛嗎? 愛...

什麼是情愛? 或者說，它存在嗎?
我不敢想，
想不透，
內心戚戚，
良久不巳......

惜福

2006-05-29T20:09:00.000+08:00

每個人生來世界，都各自有福分。
高矮肥瘦，生老病死，三窮六絕，衣食富足，在不同時間不同空間發生在不同因緣、人物上。我真係要惜福。我有既，巳比好多人好。

幸福，從不必然。

回想起來，我一直都遇到不少良師，貴人幫助、教導。
我的婆婆、武術老師、英文老師、法國醫院的總護士長林姑娘、ghc的Kam/Lisa，使我在不穩定的家境、心情上有一點點的穩定。
世事無常，能穩定，就是福。

昨天對之前想過的生意點子想通了一點點，抄下來!10年後或者有用。

終於加強了訓練量，能堅持嗎? 重拾陳家太極和形意拳，進入我的每一個細胞，使我身心無堅不摧吧。起動速度要高、勢要猛。

願每天勇猛精進。